Ta'lim yo'nalishlari
Tashkil etilgan yil
Xalqaro hamkorlar
Amaliyot imkoniyati
MARKAZIY OSIYODAGI BIRINCHI KOSMETOLOGIYA UNIVERSITETI
Zamonaviy tibbiyot yo'nalishlari bo'yicha xalqaro diplomga ega mutaxassislar tayyorlashga ixtisoslashgan oliy ta'lim muassasasi. Universitet 2025-yilda tashkil etilgan.
BIZ HAQIMIZDA
MS Xalqaro Universiteti
MS Xalqaro Universiteti — bu zamonaviy tibbiyot yo'nalishlari bo'yicha xalqaro diplomga ega mutaxassislar tayyorlashga ixtisoslashgan oliy ta'lim muassasasi. Universitet 2025-yilda tashkil etilgan bo'lib, uning asoschisi — tibbiyot sohasi bo'yicha katta tajribaga ega bo'lgan Muattar Raupova Muxitdinovna hisoblanadi.
MS Xalqaro Universiteti talabalarga nafaqat nazariy bilimlar, balki real amaliy ko'nikmalarni ham chuqur o'rgatishga qaratilgan o'quv dasturlarni taklif etadi. Universitet xalqaro ta'lim standartlariga mos faoliyat olib boradi va Janubiy Koreyadagi MBP hamda Yevropadagi INX kabi nufuzli tashkilotlar bilan yaqin hamkorlikda ishlaydi.
Xalqaro diplomlar
Xalqaro miqyosda tan olingan
Zamonaviy ta'lim
Eng so'nggi standartlar asosida
Amaliy tajriba
Real klinik muhitda amaliyot
Qulay to'lov tizimi
Kredit va bosqichli to'lov
KELAJAGINGIZNI TANLANG
Ta'lim yo'nalishlari
MS Xalqaro Universiteti quyidagi yo'nalishlarda malakali mutaxassislar tayyorlaydi. Har bir yo'nalish zamonaviy talablar va xalqaro standartlarga moslashtirilgan.
Kosmetologiya
MS Xalqaro Universitetining kosmetologiya yo'nalishi 4 yil davom etadi va talabalar uchun barcha ta'lim shakllari (kunduzgi, sirtqi, kechki, onlayn) mavjud. Bu yo'nalishda talaba terini davolash, estetik tibbiyot va kosmetik protseduralarni o'rganadi.
Tish texnigi
Tish texnigi yo'nalishi 2 yil davom etadi va faqat oflayn, kunduzgi ta'lim shaklida o'qitiladi. Bu mutaxassislar stomatologlar uchun vinir, implant va koronka kabi tish protezlarini tayyorlash bilan shug'ullanadi.
Laboratoriya ishi (Laborant)
Laborant yo'nalishi ham 2 yil davom etadi va faqat kunduzgi ta'lim shaklida tashkil etiladi. Ushbu mutaxassislar kasalliklarni aniqlash uchun laboratoriya testlarini olish va tahlil qilishda ixtisoslashadi.
Akusherlik (Hamshiralik)
Akusherlik yo'nalishi 2 yil davom etadi, faqat oflayn ta'lim shaklida mavjud. Bu yo'nalish ginekolog shifokorlarning yordamchisi sifatida tug'ruq jarayonlarida ko'maklashish, bemorlarni parvarishlash va ayollar salomatligini nazorat qilish bo'yicha malaka beradi.
Farmasevtika
Farmasevtika yo'nalishi 2 yil davomida o'qitiladi va faqat kunduzgi ta'lim shaklida tashkil etiladi. Bu yo'nalish dori vositalarini tayyorlash, saqlash, aptekada sotish va boshqarish bo'yicha mutaxassislar tayyorlaydi.
Tibbiy-kosmetologiya
Tibbiy-kosmetolog yo‘nalishi 2 yil davom etadi va texnikum darajasidagi diplom bilan yakunlanadi. Talabalarga estetik muolajalar, teri sog‘lig‘i, parvarish va apparatli kosmetologiya bo‘yicha chuqur bilim va ko‘nikmalar beradi
Ta'lim shakllari
Ta'lim olish imkoniyatlari
Universitetimiz qulay ta'lim olish imkoniyatlarini taqdim etadi
Ta'lim shakllari
Onlayn ta'lim shakli
- Darslar maxsus platforma orqali olib boriladi.
- Har bir dars oldindan yozib olinadi va talabalar o'zlariga qulay vaqtda ko'rishlari mumkin.
- Masofaviy amaliy mashg'ulotlar simulyatsiya va videodarslar yordamida tashkil etiladi.
Oflayn ta'lim shakli
- Haftasiga 5 kun dars mashg'ulotlari olib boriladi.
- 2-kursdan boshlab talabalar estetik klinikalar va salonga yo'naltirilgan amaliyotlarda qatnashadi.
- Amaliy mashg'ulotlar zamonaviy jihozlangan kosmetologiya laboratoriyalarida o'tkaziladi.
Kimlar talaba bo'lishi mumkin?
11-sinfni tamomlaganlar
O'rta ma'lumot (11-sinf)
Universitet yoki institutni tugatganlar
Ikkinchi mutaxassislik uchun ta'lim olish istagida bo'lganlar
REAL TAJRIBA ORTTIRING
Amaliy mashg'ulotlar
MS Xalqaro Universitetida amaliy mashg'ulotlarga alohida e'tibor qaratiladi. Har bir yo'nalish talabalari o'z sohalariga mos zamonaviy jihozlangan klinika, laboratoriya, apteka va stomatologik laboratoriyalarda amaliyot o'tashadi.
Zamonaviy shart-sharoitlar
Talabalar o'z bilim va ko'nikmalarini eng zamonaviy jihozlar bilan ta'minlangan xonalarda o'zlashtirishadi. Barcha asbob-uskunalar xalqaro standartlarga mos keladi.
Yo'nalishga mos amaliyot
Kosmetologiya yo'nalishi talabalarining amaliy mashg'ulotlari estetik markazlar va tibbiyot klinikalarida tashkil qilinib, ular terini parvarishlash va zamonaviy kosmetik protseduralarni bajarishni o'rganadilar.
Laboratoriya va amaliyot bazalari
Tish texnigi yo'nalishida esa talabalar stomatologik laboratoriyalarda protezlar yasash, vinir va implantlarni tayyorlash bo'yicha ko'nikmalarni mustahkamlashadi. Laborantlar zamonaviy tibbiy laboratoriyalarda turli biologik namunalarni tahlil qilish, diagnostika usullarini o'rganish va qo'llash bo'yicha amaliy mashg'ulotlar o'taydilar.
Klinik tajriba
Akusherlik yo'nalishida talabalar tug'ruqxona va poliklinikalarda to'g'ridan-to'g'ri bemorlar bilan ishlashni o'rganadilar, bu ularni kelajakda ginekolog yordamchisi sifatida tayyorlaydi. Farmasevtika bo'yicha amaliyot esa aptekalarda dori vositalarini tayyorlash, saqlash va sotish jarayonlarini o'z ichiga oladi.
BIZ BILAN KELAJAGINGIZNI BOSHLANG
Qabul tartibi
MS Xalqaro Universitetiga qabul jarayoni soddaligi va ochiqligi bilan ajralib turadi. Universitetda o'qishga kirish uchun maxsus imtihonlar yoki test sinovlari talab qilinmaydi.
Qabul jarayoni bosqichlari
Hujjatlarni tayyorlash
O'rta maktabni tugatganlik to'g'risidagi hujjat (attestat yoki ekvivalent), pasport yoki shaxsni tasdiqlovchi boshqa hujjat, tibbiy ma'lumotnoma (agar talab qilinsa).
Ariza to'ldirish
Universitetning rasmiy veb-saytida yoki bevosita qabul komissiyasida ariza to'ldirish. Arizaga barcha zarur hujjatlarni ilova qilish.
Ro'yxatga olish va to'lov
Ariza ko'rib chiqilgach, talaba ro'yxatga olinadi va to'lov shartlari bilan tanishtiriladi. Universitetda o'qish uchun moliyaviy imkoniyatlarga ko'ra 3 qismga bo'lib to'lov qilish imkoni mavjud.
O'qishni boshlash
To'lovni amalga oshirgach, talaba o'qishni boshlaydi va barcha o'quv materiallariga kirish huquqini oladi. Shuningdek, talaba universitet tomonidan taqdim etiladigan qo'shimcha imkoniyatlar haqida ma'lumot oladi.
Kreditlar va to'lov imkoniyatlari
MS Xalqaro Universitetida ta'lim olish uchun qulay moliyaviy yordam tizimi mavjud. Talabalar ta'lim haqini bosqichma-bosqich to'lash imkoniyatiga ega.
Talaba krediti tizimi
Universitetda ta'lim uchun talaba krediti tizimi joriy etilgan bo'lib, talabalar o'qishni boshlash uchun to'lovni bir vaqtning o'zida emas, balki 3 qismga bo'lib to'lashlari mumkin.
Bosqichli to'lov tizimi
Talaba o'qish davomida to'lovni bosqichma-bosqich amalga oshirish imkoniyatiga ega. Bu semestr yoki chorak bo'yicha to'lovlarni amalga oshirish imkonini beradi.
Qo'shimcha moliyaviy imkoniyatlar
Talabalar uchun turli stipendiya dasturlari, grantlar va boshqa moliyaviy yordam imkoniyatlari mavjud. Qo'shimcha ma'lumot olish uchun universitet ma'muriyatiga murojaat qilishingiz mumkin.
XALQARO STANDARTLAR
Xalqaro imkoniyatlar
MS Xalqaro Universiteti talabalariga keng qamrovli xalqaro imkoniyatlarni taqdim etadi. Universitet xorijiy davlatlar bilan hamkorlik qilib, talabalar uchun xalqaro tajribalarni ta'minlaydi.
Nega aynan MS Xalqaro Universiteti?
Xalqaro diplom
MS Xalqaro Universiteti talabalariga xalqaro miqyosda tan olingan diplomlar beriladi, bu esa bitiruvchilarga dunyoning istalgan nuqtasida ishlash va ta'lim olish imkonini yaratadi.
Imtihonsiz qabul
Talabalar uchun imtihonlarsiz, soddalashtirilgan qabul jarayoni taqdim etiladi, bu esa yoshlarning ta'limga erkin yo'l ochishiga yordam beradi.
Mos to'lov tizimi
O'qish uchun to'lovni 3 qismga bo'lib to'lash, shuningdek, talaba kreditlari orqali moliyaviy yukni kamaytirish imkoniyati mavjud.
Amaliy mashg'ulotlar
Zamonaviy klinika, laboratoriya va aptekalarda o'tkaziladigan amaliyotlar orqali talabalar real ish muhitida bilim va ko'nikmalarini mustahkamlashadi.
Xalqaro hamkorliklar
Koreya, Xitoy va Yevropa davlatlari bilan hamkorlikda malaka oshirish, stajirovkalar va til kurslari tashkil etiladi.
Ko'p tildagi ta'lim
O'zbek va ingliz tillarida o'qish imkoniyati mavjud bo'lib, talabalar xalqaro standartlarga tayyorlanadi.